எந்த உதயத்துக்கு இந்த இதயப் பெருமூச்சு ?
இதயப் பெருமூச்சு.
உலைக்களத்தில்
புறப்படும்
நீராவித் தகிப்பு, தவிப்பு.
எந்தக் குளிருக்கு
இந்தச் சுடுநெருப்பு. ?
எந்த மூச்சுக்கு
இந்தப் புகைக்குவிப்பு ?
எந்தச் சுற்றத்துக்கு
இதயக் கதவடைப்பு ?
பறவை இனங்களே !
உங்கள் சமூகத்திலும்
இந்த நம்பிக்கைத்
துரோகங்கள் உண்டா ?
உங்களிலும் பணக்காரன்
பண்டாரம் உண்டா ?
உங்கள் கூட்டத்திலும்
இதயத்தை அறுத்து அதுவும்
போதாதென்று
வெந்நீரிலிட்டு
வேலாலெறியும்
இரக்கமற்ற
இதயங்கள் : அன்று : அன்று
பாறைகள் உண்டா ?
உங்கள் கும்பலிலும்
உண்மையைத் திரித்துப்
பொய் பேசிடும்
விஷ நாக்குகள் உண்டா?
சொல்லுங்கள்.
ஓ!
இருக்கலாம் என்று
மௌனமொழி
பேசுகிறீர்களா ?
எந்த உதயத்துக்கு
இந்தத் தவமிருப்பு ?
எந்த ஜீவிதத்துக்கு
இந்தப் பரிதவிப்பு ?
NOTHING IS IMPOSSIBLE
IN THE WORLD
EXCEPT
FRIENDSHIP & LOVE.
கரையை உடைத்துவிட
வேண்டுமென்று
துடித்த உள்ள வெள்ளம்
கலங்கிய குட்டையாய்
சேற்றுக் குழம்பாய்
வற்றித் துடிக்கிற பரிதாபம்.
எந்த வெளிச்சத்துக்கு
இந்தத் துடிதுடிப்பு ?
-- 82 ஆம் வருட டைரி.
1 கருத்து:
வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும்.!
கருத்துரையிடுக
பதிலுக்கு நீங்களும் கிறுக்குங்க.. :)))